مجله اینترنتی چاغداش قشقایی

بالیق قیزاردیرنگ مای تووا دا/ کامبیز نجفی

شعرترکانه تعداد بازدید :161 مشاهده تعدادنظرات : 0


مجله چاغداش, شماره هفتم

شعر ترکانه

 

بالیق قیزاردیرنگ مای تووا دا

کامبیز نجفی

 

 

پنکه توولانیر, چوول چوولانیر, قوپیر دومان, گلیر تئلینگ اینن

یاغیش دان گونشلنیر اوتاغیم, قرّی تامدار سالیر تئلینگ اینن

 

بالیق قیزاردیرنگ مای تووادا, یومورتا بویادیرنگ یووا دا

شفق ده دیر بوینونگ,بویناغونگ دان گون چالیر, سارالیر تئلینگ اینن

 

ماهی در هم دیر آل دوداق لارینگ, بالیق لاردان گلیر قوجاق لارینگ

بورماق لارینگ قیزیل قچّی, قوشمالار قچیلئیر, سالیر تئلینگ اینن

 

گؤزونگ دن یازیلیرم, قیمه قیمه گپم, تنیم دن قازیلیرم

کساد دیر منیم شیعر لریم, بوردا بازارلار  آچیلیر تئلینگ اینن

 

زولفونگ اوزونگ قمر در عقرب دیر, چوخ دئییلمیش, دئمیرم داها من

من آمّا آی دان اؤپیرم, عقرب دوداغیمی چالیر تئلینگ اینن

 

من, سن, دایانیر گئجه لر؛ نفس لریمیز دن اویانیر گئجه لر

یاش دان, تَر دن بویانیر گئجه لر, ایوانا آی چالیر تئلینگ اینن

 

گؤزونگ شوونم لری ایسلاندیریر, بولاق اوزانیر, ایاغینگ اؤپیر

دومان بوغازینگ دان قوپیر, یاغیش بولوت دان آسیلیر تئلینگ اینن

 

زولفونگ دان چوئیر سیگار توتونو, دوداغینگ نان اوتیرم توتونو

بیز ایندی اؤلموشگ, سوموگوم سیگاریم تک کول اولیر تئلینگ اینن

 

مارا در فضای مجازی دنبال کنید
تمامی حقوق این وب سایت متعلق به مجله الکترونیکی چاغداش قشقایی می باشد.
Copyright - Developed By Alpar©