مجله اینترنتی چاغداش قشقایی

دیوار/ کامبیز نجفی

شعرترکانه تعداد بازدید :263 مشاهده تعدادنظرات : 0


مجله چاغداش, شماره هفتم

شعر ترکانه

 

دیوار

کامبیز نجفی


 


 


بیر دیوار دیر

بیر دیوار دیر                     

بیر دیواردان سورا

بیر دیوار دیر

بیر داها دیوار

بیر داهالار دیوارلار


دیوارلار

دیوارلاردان آرتیق

دیوارلار ناقاد دیوار دیلار!؟

من  دولاشیرام دیوارلارا

دیوارلارا بویانیرام

دیوارلارا گؤونیرم دایانیرام

دیوارلاردا اؤلیرم

دیوارلاردان اویانیرام

من دیوارلاردان آیری  داها بیر دیوار یوخوم دور


آقای قاضی!

من فقط بیر باخیش

بیر دیوارینگ او  اوزونه باخدیم

آما دیوارلارینگ او  اوزو دیوار

بو اوزو دیوار

واری اوزلر دیوار

آدام لاری  گوردوم دیواریدیلّار

کیتاب لار دیواریدیلّار

دریالار دیواریدیلّار

دیوارلار دیواریدیلّار

دیوارلار شالّاق بغیریلر, شاپالاق سسلنیرلر, یوموروق بؤنگوریل

دیوارلار قان لاشیلار, قوسماق لاشیلار , سؤیوش لشیلر

دیوارلار آدامی دیوارلارا باسیلار

آدام لار دیوارلانیرلار

دیوارلار

دیوارلار

دیوارلار   

آخ کی دیوارلار


بیز فقط حق واریمیز

آدیمیزی یازاگ دیوارلارا

آدیمیز دیوار اولیر

دیوارلار بیزیم مزار داشیمیز

آی دیوار

آی دیوار

آی دیوار!


آجیرلارینگ سوموگ لریم سسینی سیندیریرلر کوینگ لریم ده

قول لاریم  دیوار

قانات لاریم  دیوار

آی مینم دیوار سیخن ال لریم!

اوچمگ لریم دیوارلانیلار

دیوارلاریم اوچمگ لنیلر

دیوار هارا اوچر؟


سؤزلریمی یاپیشدیرمیشام دیوارلارا

اؤزلریمی یاپیشدیرلاندیرمیشام دیوارلارا

گؤزلریمی توفورموشم دیوارلارا

دیوارلاردا قینه لشیر سوموگ لریم چیغرلانانیر


آی دیوارلار ایچین ده قینه لنن منیم سوموگ لریم!

آدام لار اسندیلر منی, اسنتدیریرلر بیزی, اسنئیرگ من اینن دیوارلار

دیوارلار قیندیرلر منی, قینتدیریرلر بیزی, قئینیرگ من اینن آدام لار

جوشدوریرلر,

جوشقونلاشان دیوارلاردا آلیشیراگ

قوسماقلانان دیوارلارا بولاشیراگ

آدام لار گؤزو بیر توفورجگ دیواردا

آدام لار اورگی بیر نارنجک دیواردا

آدام لار آغزی بیر قوسماق دیواردا

بیز آدام لار دیوارلاشیراگ


بیر دیوار جاناغیم دان یاریلیر

سوموگ لریم دییش لشیرلر آجیرلارا     

درّیمی  چکیرلر دیوارلارا

ایندی  من بوتون  بیر دیوار اولموشام

بیر دیوار اؤلموشم

بیر آدام کی قالمیش دیوارلار جسدلرین ده


آی دیوارلارا گرکنن لر!

من بیر دیوارام

سیز بیر دیوارانگیز

بو گوربا  بیر دیوار دیر

اصلن بو یئر

بیر دیوار دیر تورپاق دان


کیم لر ایدیلر  دیوارلار اوستونه یازدیلار :

We don’t need no education

 We don’t need no thought control

کیم  دیر چیغیریر:

Hey Teachers leave them kids alone

کیم  دیر بؤنگوریر:

Hey teacher leave them kids alone

کیم دیر دیوارا بغیریر:

All in all you’re just another brick in the wall

بیز بیر دیوار تکین اؤلیرگ

گئنه دن تورپاق اولاندان سورا

گئنه دن بیز اولیرگ دیوار

اؤلیرگ دیوار

دیوار

دیوار

دیوار


 


 


 


 


 


مارا در فضای مجازی دنبال کنید
تمامی حقوق این وب سایت متعلق به مجله الکترونیکی چاغداش قشقایی می باشد.
Copyright - Developed By Alpar©