مجله اینترنتی چاغداش قشقایی

من بیر مارال ایدیم / احمد اکبرپور؛ کامبیز نجفی

کودکانه تعداد بازدید :450 مشاهده تعدادنظرات : 0

مجله چاغداش, شماره هفتم

کودکانه

 

من  بیر مارال ایدیم

یازار:احمد اکبرپور

دؤندرن: کامبیز نجفی

 

 

من بیر مارالام.

بیز مارال لار واریمیز بیر بیراینن دیرلیگ ائدیرگ. گاه دان کی قوردلار یا ببر و قافلان بیزه حمله ائدیلّر, بیز شاخ لاریمیز اینن اون لار اینن ساواش(جنگ) ائدیرگ. بیزیم شاخ لار چوخ ایتّی(تیز) دیلّر. گاه دان آدام لار بیزه حمله ائدیلّر. بیز باشارمیرگ اون لاراینان ساواش ائدگ.

انگ یئی فصل بیزیم ایچین یاز دیر. بو فصل ده بیز با سرعت؟؟؟ یال لاردان اوخاری گئدیرگ و بیر  بیراینن مسابقه؟؟؟ وئریرگ. آنالار یاز فصلین ده اوشاق لارینی دونیایا گتیریلّر و اوشاق لار اوینئیلّر و اوشاق یانا اوینئیلّر.

من قیش و توسانی دا چوخ ایستئیرم.

فاییز دا یارپاق لار(برگ ها) اوچیلّر.

بیر گون دوز ده (دوز:دشت) اوینئیریدیگ کی اووچولار(اووچو:شکارچی) ایسّینی ائشیتدیگ. قورد, قافلان و اووچو آدام لارینگ ایسّی آچّی دیر.

ایستئیریدیگ قچگ  کی گولّه لر سسینی ائشیتدیگ. پادیشاه و اووچو لاری بیزه حمله ائدمیشدیلر. هر بیریمیز بیر یانان قچدیگ. من گیج؟؟؟ اولموشودوم.

بیردن بیر گولّه دَیدی منه. بیر نئچه آن (لحظه) واری یئر قرلدی. اووچو قاه قاه گولدو. او چاپیریدی و من قچیریدیم و قانیم اوت لار(علف) اوستونه توکیلیریدی. نئچه یال(یال:تپه) دان گچدیم. گاه دان دالیم آردینا باخیریدیم. چوخ آغاج لار و چالی لاردان(چالی:بوته) گچدیم. سویوز ایدیم. قان دامچا لاری(دامچا:قطره) قیچ لریم دن دامیریدی.(دامماگ: چکیدن)؟؟؟ دیلیم اینن یارام یئرینه یالادیم. هئچ مارال یانیم ده دییل ایدی.

آنامی چاغیردیم و آتامی. باجی لار و قارداش لاریمی چاغیردیم. یولداش لاریمی چاغیردیم, آما هئچ کیم یانیم دا یوخودو. من دوزونگ واری آغاج لار و یال لارینی تانیریدیم, آما لایلانمیش ایدیم.

بیردن گؤزوم دوشدو پادیشاها کی آت دان دوشموش اودو. پادیشاه هئچ زامان یالینگیز قصر دن چیخمیریدی. اوخ(تیر) و کمانی اؤزون دن چوخ ایراق تر او یانا دوشموش اودو. تاجینینگ قراغین دان قان ووریریدی یازّیا. او دا منیم تکین یارالانمیش ایدی. هئچ قراول(قراول:نگهبان) اونینگ یانین دا یوخودو. شایاد او دا لایلانمیش ایدی.

اووچو لاردان قورخیریدیم. ایستئیریدیم قچم. بیر دن پادیشاه باشینی گزدیردی و منی گؤردو.

ایسته سه ایدی منی شیکار ائده باشاراریدیم ایتّی شاخ لاریم اینان اونا حمله ائدم. آما او منیم یارامی گؤردو و سؤرا گؤز تیکدی منیم گؤزلریمه. باخیشی آیری اووچو لار اینان فرق واریدی. حتا ایسّی فرق واریدی. پادیشاه آتی کیشنالاشیریدی. اوگنی(اوگن:افسار, زمام اسب) بیر آغاج کونداسی نا دولاشمیش ایدی. من سختلیگ اینن یولا دوشدوم. پادیشاه فقط منه باخیریدی.

آغاجا ساری گئتدیم. آت آراملاشدی. گؤرگ ایدی(گؤرک:باید) شاخ لاریم اینان آتینگ اوگنینی آچایدیم. آغاج دورونا تولاندیم. یارام آغیریقی آرتیق اولیریدی. اؤز تالاشیمی ائده سی ایدیم. ایستئیریدم آت اینان پادیشاهی آرا دان چاخاردام. آت اوگنینی محکم چکدیم. من پادیشاه و آتینی آرا دان چاخارتدیم و سؤرا واری یئر قرنگی اولدو. من هوش دان گئتدیم.

پادیشاه قیزی بیزی بولدو و آپاردی قصره. او منی بئسلتدی(بئسلمگ:پرستاری, تیمار کردن) و یارامی باغلادی. آما من خوب اولمادیم.

من بیر مارالام. بیر اؤلو مارال. ایندی واری مارال لار دوز دن کؤچموش لار. اون لار هر گئجه پادیشاه و اووچو لار دیشینه گلیلّر.

پادیشاه گون ده بوش(بوش:خالی) دوزلره باخیر.

پادیشاه هئچ کیم اینن دانیشمیر. حتا اووچو لار دا بیر بیر اینن دانیشمیلار. پادیشاه اون لاری قصر دن چاخارتمیش.

پادیشاه قیزی گون ده پنجره یی آچیر. اونونگ گؤینو ایستئیر گئنه دن مارال لار قیچینینگ سسی دوز ده توولانا. گؤینو ایستئیر انگ بیریمکی(اولین) کیمسه اولا کی بو خبری پادیشاها وئریر.

گؤینوم یولداش لار و ائل و اوبام گؤردوگو ایچین دار اولموش.

من بیر مارالام. بیر اؤلو مارال, آما گؤینوم ایستئیر مارال لار گئنه دن دوز ده دئیرلیگ ائدلّر.  

مارا در فضای مجازی دنبال کنید
تمامی حقوق این وب سایت متعلق به مجله الکترونیکی چاغداش قشقایی می باشد.
Copyright - Developed By Alpar©